બંગાળમાં ટોળાએ EVM પર ગુસ્સો ઠાલવ્યો: મત આપવાની વાત તો બાજુ પર મશીનને સીધું જ પાણીમાં ફેંક્યું, શાં માટે?; જૂઓ આ ઘટનાનો LIVE વીડિયો
![top-news](https://gujaratvandan.com/public/uploads/images/newsimages/GujaratVandan01062024_061621_Voting 1.webp)
- 01 Jun, 2024
લોકસભા ચૂંટણી 2024ના સાતમાં તબક્કાનું મતદાન હાલ ચાલી રહ્યું છે. આ દરમિયાન પશ્ચિમ બંગાળમાં બબાલના સમાચાર આવ્યા છે. પ્રાપ્ત માહિતી મુજબ દક્ષિણ 24 પરગનામાં ગુસ્સે ભરાયેલી ભીડે ઈવીએમ અને વીવીપેટ મશીનને પાણીમાં ફેંકી દીધું છે. અંતિમ તબક્કામાં પશ્ચિમ બંગાળની 9 સીટો માટે હાલ વોટિંગ ચાલી રહ્યું છે.
વોટિંગ શરૂ થયા પછી સમાચાર આવ્યા કે દક્ષિણ 24 પરગનાના કુલતાઈમાં બૂથ સંખ્યા 40,41 પર ટોળાએ કથિત રીતે ઈવીએમ અને વીવીપેટ મશીનને પાણીમાં ફેંકી દીધું છે. પ્રાપ્ત માહિતી અનુસાર, મતદારોને કથિત રીતે ટીએમસી સમર્થકોએ ધમકાવ્યા હતા. તેના પગલે ટોળું ગુસ્સે ભરાયું હતું અને ઈવીએમને તળાવમાં ફેંકી દીધું હતું.
વોટિંગના મામલામાં આ વખતે પશ્ચિમ બંગાળે ઘણું સારું પ્રદર્શન કર્યું છે. જોકે પ્રથમ તબક્કાથી જ પશ્ચિમ બંગાળમાં હિંસાના સમાચાર આવી રહ્યાં છે. પ્રથમ તબક્કાના વોટિંગ દરમિયાન તૃણમૂલ કોંગ્રેસે દાવો કર્યો હતો કે અલીપુરદ્વાર તુફાનગંજ-2 બ્લોકમાં બરોકોડાલી- ગ્રામ પંચાયતના હરિરહાટ ક્ષેત્રમાં ટીએમસીના અસ્થાયી પાર્ટી કાર્યાલયને બીજેપી સમર્થકોએ સળગાવ્યું હતું.
South 24 pargana Kultali which falls under Joynagar Loksabha constituency locals have thrown EVM in pond .
— nikesh singh (@nikeshs86) June 1, 2024
Locals not allowed to cast vote that’s why they have taken EVM and thrown those in pond@ECISVEEP @SpokespersonECI @KamalikaSengupt Reports pic.twitter.com/V8ND95euwB
લોકસભા ચૂંટણીના અંતિમ તબક્કામાં શનિવારે સાત રાજ્ય અન એક કેન્દ્રશાસિત પ્રદેશની 57 સીટો માટે મતદાન થઈ રહ્યું છે. તેમાં વડાપ્રધાન નરેન્દ્ર મોદીની વારાણસી સીટ પણ સામેલ છે. જે સીટો પર આજે વોટિંગ થઈ રહ્યું છે, તેમાં પંજાબ અને યુપીની 13-13 સીટો, પશ્ચિમ બંગાળની 9 સીટો, બિહારની 8 સીટો, ઓડિશાની 6 સીટ, હિમાચલ પ્રદેશની 4 સીટ, ઝારખંડની 3 સીટ અને એક ચંદીગઢની સીટ સામેલ છે.
આ તબક્કામાં ઘણા મોટા નેતાઓના કિસ્મત દાવ પર લાગેલા છે. આ તબક્કામાં કેન્દ્રીય મંત્રી અનુરાગ ઠાકર હમીરપુરથી, મમતા બેનર્જીના ભત્રીજા અભિષેક બેનર્જી ડાયમંડ હાર્બરથી, લાલુ પ્રસાદની પુત્રી મીસા ભારતી પાટિલપુત્ર અને એક્ટ્રેસ કંગના રનૌત મંડી સીટથી મેદાનમાં છે.